Lapsus

Lapsusa mintzatu, idatzi nahiz oroitzean egiten den hutsegite edo hanka-sartzea, hasiera batean nahi zenaren beste zerbait adieraztea ekartzen duena, gehienetan hitz bat beste hitz batekin ordeztuz. Sigmund Freudek sakon aztertu zituen eta, psikoanalisiaren baitan, desira inkontzienteak azalera ateratzean sortzen zirela irizten zuen, bi joera edo faktore elkartuz: "faktore positiboa, lapsusa bideratzen duena, asoziazioen garapen askea alegia, eta faktore negatiboa, atentzioaren eragin inhibitzailearen lasaitzea alegia, batera gertatzen dira gehienetan".